اسلام آباد(عکس آن لائن ) علی ظفر ایڈوکیٹ نے چینی اسکینڈل میں نامزد تحریک انصاف کے منحرف رہنما جہانگیرترین کے خلاف فریقین سے تحقیقات مکمل کرلیں۔ تفصیلات کے مطابق تحریک انصاف کے منحرف رہنما اور چینی اسکینڈل میں نامزد ملزم جہانگیر خان ترین کے خلاف وزیراعظم عمران خان کے نامزد کردہ سینیٹر علی ظفر ایڈوکیٹ نے فریقین سے تحقیقات مکمل کرلی ہیں۔
ذرائع کے مطابق علی ظفر ایڈووکیٹ کی جانب سے وزیراعظم کو رپورٹ پیش کرنے کے لئے سفارشات تحریر کرنے کا کام جاری ہے، اور علی ظفر آئندہ چند روز میں اپنی رپورٹ کی سفارشات مکمل کرلیں گے، جب کہ وزیراعظم کو اسی ہفتے کے آخر یا اگلے ہفتے کے شروع میں رپورٹ پیش کردیں گے۔ ذرائع نے بتایا کہ علی ظفر ایڈووکیٹ نے ترین گروپ کے وکلا اور دیگر شخصیات سے ملاقات کرکے مقف معلوم کیا، ایف آئی اے اور دیگر حکومتی اداروں کے آفیسرز کے بھی انٹرویو کے حقائق معلوم کئے. واضح رہے وزیراعظم نے ترین گروپ سے ملاقات کے بعد سینیٹر علی ظفر ایڈوو کیٹ کو غیر جانبدارنہ رپورٹ پیش کرنے کا ٹاسک دیا تھا۔
