بیجنگ (عکس آن لائن) بیجنگ میں چائنا میڈیا گروپ کی میزبانی میں تیسرا گلوبل میڈیا انوویشن فورم منعقد ہوا۔ “ذہانت برائے بھلائی ، مشترکہ ذمہ داری –
مصنوعی ذہانت میڈیا گورننس” کے موضوع پر موجودہ اجلاس میں بین الاقوامی تنظیموں، چینی اور غیر ملکی مین اسٹریم میڈیا تنظیموں، چینی اور غیر ملکی تھنک ٹینکس، ملٹی نیشنل انٹرپرائزز اور دیگر شعبوں کے 200 سے زائد نمائندوں نے آن لائن اور آف لائن شرکت کی۔منگل کے روز سی پی سی سینٹرل کمیٹی کے تشہیری ڈپارٹمنٹ کے ڈپٹی ڈائریکٹر اور سی ایم جی کے ڈائریکٹر شین ہائی شیونگ نے کہا کہ ہمیں انسانی اخلاقیات پر مبنی مصنوعی ذہانت کو فروغ دینا چاہیے اور قیمتی مصنوعی ذہانت کے لیے مل کر کام کرنا چاہیے
مصنوعی ذہانت کی حفاظت اور کنٹرول کی صلاحیت کو بلند کرنا چاہئے ، اور مشترکہ طور پر ذمہ دار مصنوعی ذہانت کی تعمیر کرتے ہوئے کثیر الجماعتی تعاون اور پائیدار مصنوعی ذہانت کی تعمیر کے لئے مل کر کام کرنا چاہیے۔انہوں نے کہا کہ چائنا میڈیا گروپ دنیا بھر کے دوستوں سے سیکھنے، مشترکہ طور پر مصنوعی ذہانت کے لامحدود امکانات کو بروئے کار لانے اور بنی نوع انسان کےہم نصیب معاشرے کی تعمیر میں مزید مثبت توانائی کے اضافے کے لئے تیار ہے۔
بین الاقوامی اولمپک کمیٹی آئی او سی کے صدر تھامس باخ نے ایک ویڈیو تقریر میں کہا کہ چائنا میڈیا گروپ ہمیشہ سے آئی او سی کا بے مثال شراکت دار رہا ہے اور آئی او سی خلوص دل سے چائنا میڈیا گروپ کو اولمپک مصنوعی ذہانت کا مستقبل تخلیق کرنے کے لئے مدعو کرتا ہے۔
ایک ویڈیو پیغام میں ڈبلیو آئی پی او کے ڈائریکٹر جنرل ڈیرن تانگ نے کہا کہ چین ہمیشہ جدت طرازی اور تخلیقی صلاحیتوں کے لیے پرعزم رہا ہے ۔
لہذا، یہ حیرت کی بات نہیں ہے کہ چین مصنوعی ذہانت کی ترقی میں ایک عالمی رہنما بن رہا ہے. انہوں نے کہا کہ ڈبلیو آئی پی او مصنوعی ذہانت کے مناسب استعمال کو یقینی بنانے کے لئے وسیع پیمانے پر مضبوط تعاون کے لئے پرعزم ہے ۔
متعدد بین الاقوامی تنظیموں، بین الاقوامی مین اسٹریم میڈیا کے سربراہان، معروف اسکالرز اور ملٹی نیشنل انٹرپرائزز کے ایگزیکٹوز نے ویڈیو لنک کے ذریعے فورم میں پیغامات بھیجے
جس میں تبادلوں کو مضبوط بنانے، عملی تعاون کو گہرا کرنے اور مشترکہ طور پر مصنوعی ذہانت کی عالمی گورننس کو فروغ دینے کے لئے دنیا بھر کے میڈیا ساتھیوں کے ساتھ مل کر کام کرنے پر آمادگی کا اظہار کیا گیا۔
فورم کے ایک اہم نتیجے کے طور پر چائنا میڈیا گروپ کے ڈائریکٹر شین ہائی شیونگ، اے بی یو کے سیکرٹری جنرل اور بین الاقوامی میڈیا تنظیموں کے نمائندوں
اے بی یو کے سی ای او گریگور جیکا، لاطینی امریکی پریس یونین کے جنرل منیجر خوان کارلوس اور اے بی یو کے ٹیکنیکل ڈائریکٹر ویزل بنگ بائی نے مشترکہ طور پر “میڈیا کی مصنوعی ذہانت کی حکمرانی پر ایکشن انیشی ایٹو” جاری کیا۔ یہ اقدام سی ایم جی اور بین الاقوامی میڈیا تنظیموں جیسے ایشیا پیسفک براڈکاسٹنگ یونین، عرب اسٹیٹس براڈکاسٹنگ یونین، ایفریکن براڈکاسٹنگ یونین، یورپی نیوز ایکسچینج الائنس اور لاطینی امریکی پریس یونین نے مشترکہ طور اٹھایا تھا۔
