لاہور (عکس آن لائن) پنجاب یونیورسٹی نے یونیورسٹی کے زیر اہتمام ہونیوالے اے ایم اے، ایم ایس سی پارٹ ون اور پارٹ ٹو کے سالانہ امتحانات 2019ء کے نتائج کا اعلان کردیا ہے۔ جس کے مطابق ایم اے، ایم ایس سی پارٹ ون میں 52577 امیدواروں نے شرکت کی۔ جن میں سے 19000 سے زائد امیدوار کامیاب قرار پائے۔ اس طرح امیدواروں کی کامیابی کا تناسب 36 فیصد جبکہ ایم اے، ایم ایس سی پارٹ ٹو کے امتحانات میں امیدواروں کی کامیابی کا تناسب 50 فیصد رہا۔
