دبئی (عکس آن لائن) پاکستان مسلم لیگ (ن) کے قائد سابق وزیر اعظم محمد نوازشریف نے کہا ہے کہ پاکستان کا الیکشن کمیشن ایک فیئر الیکشن کمیشن ہے،الیکشن کمیشن جب بھی انتخابات کی تاریخ کا اعلان کرے گا ،جب ہی انتخابات ہوں گے۔دبئی ائیرپورٹ پر میڈیا سے گفتگو میں نوازشریف نے کہاکہ میں سمجھتا ہوں پاکستان کا الیکشن کمیشن ایک فیئرایکشن کمیشن ہے۔
سابق وزیر اعظم نے کہا کہ ہم الیکشن کیلئے بالکل تیار ہیں ابھی حلقہ بندیوں کا کام ہونا ہے اور پراسیس ہو رہا ہے یہ سب چیزیں الیکشن کمیشن کی نظر میں ہیں اور وہ بہترین فیصلہ کرے گا۔نواز شریف نے کہا کہ الیکشن کی تاریخ الیکشن کمیشن کرے گا اور میری ترجیح بھی وہی ہے جو الیکشن کمیشن کہے گا وہی مجاز ادارہ ہے۔
