حیدر آباد (عکس آن لائن) وزیر اطلاعات سندھ شرجیل میمن نے کہا کہ پاکستان تحریک انصاف کی تاریخی نااہلی کے باعث ملک میں مہنگائی ہوئی ، مہنگائی کے طوفان میں سندھ حکومت عوام کو ریلیف دینے کی پوری کوشش کررہی ہے ، قیمتیں کنٹرول کرنے کیلئے وزیراعلیٰ سندھ مراد علی شاہ کی ہدایت پر گندم پریکورنمنٹ شروع کرائی ، وزیراعلیٰ سندھ مراد علی شاہ کی ہدایت پر محکمہ ٹرانسپورٹ نیٹ ورک بڑھائے ، محکمہ زراعت کو بھی کہا ہے کہ ایسے فوری اقدامات اٹھائیں ، کہ ریلیف دے سکیں ،
جمعرات کو حیدر آباد میں پریس کانفرنس کرتے ہوئے انہوں نے کہا صوبائی ڈی ایس اور سینئر کو ہدایت دی ہے کہ پرائس کنٹرول کو یقینی بنائیں ، عوام کو زیادہ سے زیادہ ریلیف دینا حکومت کی ذمہ داری ہے ، انہوں ںے کہا کہ پہلے ملک کو داو پر لگایا اب مزید انارکی پھیلانا چاہتے ہیں، پی ٹی آئی میں کچھ اچھے ، سمجھدار اور کچھ بے وقوف لوگ بھی موجود ہیں، ساری پی ٹی آئی بری نہیں ہے ، پاکستان تحریک انصاف کے سربراہ عمران خان سازش کے تحت کس کے ایجنڈے پر ہے جو پاکستان کو ترقی کرنا نہیںدیکھنا چاہتے ہیں، وہ عمران خان کو فنڈنگ کرتے تھے ، شرجیل میمن نے کہا کہ عمران خان نے جان بوجھ کر ملکی معیشت کو تباہ کرنی کی کوشش کی ،
عمران خان کی حکومت کو عدم اعتماد کے ذریعے پارلیمنٹ سے نکالا گیا ، عمران خان کہتا تھا کہ سازش ہوئی تو وہ صرف ڈرامہ تھا ، عمران خان جھوٹا بیانیہ بنانے کی کوشش کرتا ہے ، عمران خان نے دشمن ملک کی سپورٹ سے ملک میں انارکی پھیلانے کی کوشش کی ۔ مجھے کیوں نکالا بلکہ مجھے کیوں نہیں بچایا یہ آپ کا نعرہ تھا ، آپ نے عدالتوں کے خلاف بھی سازش شروع کی ، عمران خان پہلے دن سے لاڈلے رہے ہیں، آپ کیلئے رات اور اتوار کو بھی عدالتیں کھلتی ہیں، بدقسمتی سے چند لوگوں نے صادق وامین کا سرٹیفیکٹ دیا ، جو عوام سے سازش تھی ، کیوں نہ ان کو بھی شامل تفتیش کیا جائے ، جس نے انہیں سرٹیفیکیٹ دیا ۔