لاہور(عکس آن لائن )پاکستان انگلینڈ کی ہوم سیریز کے ٹکٹوں کی فروخت شروع ہوگئی، ایک گھنٹے میں نیشنل اسٹیڈیم کراچی کے دو انکلوڑر کے ٹکٹس فروخت ہوگئے، ٹکٹ کی سب سے کم قیمت 250 روپے مقرر کی گئی ہے،پاک انگلینڈ ٹی 20 سیریز کے ٹکٹوں کی فروخت، ایک گھنٹے میں 2 انکلوڑرز کے تمام ٹکٹس فروخت ہوگئے،پاکستان اور انگلینڈ کے درمیان ٹی ٹوئنٹی سیریز کے لیے ٹکٹوں کی فروخت کا عمل شروع ہو گیا۔انگلینڈ کی ٹی ٹوئنٹی ٹیم ستمبر میں پاکستان کا دورہ کرے گی جہاں دونوں ٹیموں کے درمیان 7 ٹی ٹوئنٹی میچوں کی سیریز کھیلی جائے گی، سیریز کے ابتدائی 4 میچز کراچی اور 3 لاہور میں شیڈولڈ ہیں۔پاکستان اور انگلینڈ کے درمیان ٹی ٹوئنٹی سیریز کے ٹکٹوں کی فروخت گذشتہ صبح شروع ہوئی اور ایک گھنٹے میں ہی نیشنل اسٹیدیم کراچی میں ہونے والے چاروں میچز کے 2 انکلوڑر زکے ٹکٹس مکمل فروخت ہو گئے۔
نسیم الغنی اور اقبال قاسم انکلوڑرز کے ٹکٹس کی قیمت 250 روپے مقرر ہے، دونوں انکلوڑرز کے ٹکٹ اب فروخت کے لیے دستیاب نہیں ہیں البتہ اسی قیمت کے دوسرے 2 انکلوڑرز کے ٹکٹ فروخت کے لیے دستیاب ہیں، ایک شناختی کارڈ پر ایک ٹکٹ خریدا جا سکتا ہے جبکہ بچوں کے ٹکٹس بے فارم دکھا کر حاصل کیے جا سکتے ہیں۔کراچی میں چار میچوں کی ٹکٹوں کی قیمتیں 250 سے 1500 روپے مقرر ہیں جبکہ لاہور میچز کے ٹکٹس کی قیمتیں 250 سے 3000 روپے مقرر کی گئی ہیں۔پاکستان اور انگلینڈ کے درمیان پہلا ٹی ٹوئنٹی میچ 20ستمبر کو کراچی میں کھیلا جائے گا۔
