اسلام آباد (عکس آن لائن)ترجمان پی ڈی ایم حافظ حمداللہ نے کہا ہے کہ پارلیمنٹ سپریم ہے پارلیمنٹ کی سپرمیسی کو تسلیم کرنا ہوگا ۔ اپنے بیان میں حافظ حمداللہ نے کہاکہ قانون سازی میں پارلیمنٹ پر کوئی قدغن نہیں لگایا جا سکتا ۔ انہوںنے کہاکہ پارلیمنٹ آئین کا خالق ہے تمام ادارے عدلیہ سمیت پارلیمنٹ کی مرہون منت ہے ۔
انہوںنے کہاکہ پارلیمنٹ کا فیصلہ قوم کا فیصلہ ہوتاہے جس کو بلڈوز نہیں کیا جا سکتا ۔ انہوںنے کہاکہ پارلیمنٹ جب بھی ضرورت محسوس کرے قانون سازی ان کا استحقاق ہے ۔ انہوںنے کہاکہ پارلیمنٹ کے بنائے ہوئے قوانین کا احترام نہ کرنا پارلیمنٹ اور قوم کی توہین ہے ۔ انہوںنے کہاکہ جس ادارے نے ملک کو آئین دیا ہے تمام اداروں کو اس کے سامنے سرنگوں ہونا ضروری ہے ۔