لاہور (عکس آن لائن) پاکستان اور آسٹریلیا کی خواتین کرکٹ ٹیموں کے درمیان تیسرا اور آخری ٹی ٹونٹی انٹرنیشنل میچ آج (اتوار ) 29جنوری کو آسٹریلوی دارالحکومت کینبرا میں کھیلا جائے گا۔آسٹریلوی ویمن ٹیم کو پاکستان خواتین ٹیم کے خلاف تین میچوں کی سیریز میں 0-2 کی فیصلہ کن برتری حاصل ہے، میزبان ٹیم نے پاکستان ٹیم کو پہلے ٹی ٹونٹی میچ میں با آسانی 8 وکٹوں سے شکست دی تھی جبکہ دوسرے ٹی ٹونٹی میچ میں بھی 8 وکٹوں سے مات دی۔
دونوں ٹیموں کے درمیان سیریز کا تیسرا اور آخری ٹی ٹونٹی میچ آج بروز ہفتہ ) کینبرا میں کھیلا جائے گا ، ٹی ٹونٹی سیریز میں پاکستان کو بسمہ معروف لیڈ کررہی ہیں ، دونوں ٹیموں کی کپتانوں نے میچ میں کامیابی کے لئے بیانات دیئے ہیں۔یاد رہے اس سے قبل آسٹریلوی ٹیم تین ون ڈے میچوں کی سیریز میں پاکستان کو 0-3 سے وائٹ واش کر چکی ہے ۔
