لاہور(عکس آن لائن)انصاف ویلفیئر ونگ کے مرکزی سیکرٹری جنرل جمشید اقبال چیمہ نے کہا ہے کہ پہاڑ جیسے چیلنجز کے باوجودوزیر اعظم عمران خان کبھی مایوس اور نا امید نہیں ہوئے اور پاکستان بہت جلد عظیم ملک بنے گا ،وزیراعظم عمران خان کی قیادت میں نیا سال گزرے ہوئے سال سے بہتر ہوگا ،اصلاحات کے مراحل مکمل ہونے پر دنیا کی کوئی طاقت ہماری معیشت کو ٹیک آف سے نہیں روک سکے گی ۔
اپنے بیان میں ا نہوںنے کہا کہ معاشی اشاریے ہر گزرتے دن کے ساتھ بہتر ہو رہے ہیں جس سے ظاہر ہوتا ہے کہ حکومت درست سمت میں گامزن ہے ۔جیسے جیسے معیشت مضبوط ہو گی اس کے اثرات عوام کی زندگیوںمیںبھی نمایاں طو رپر نظر آئیں گے ۔ انہوں نے کہا کہ سابقہ حکمران ہمارے لئے ورثے میں مسائل کے پہاڑ چھوڑ کرگئے اور اس کے یہ امیدیں بھی لگائے ہوئے تھے کہ ملک دیوالیہ ہو جائے گا لیکن وزیر عظم عمران خان نے اپنے عزم سے ان کی ساری امیدوںاور سوچوںپر پانی پھیر دیا ۔
تحریک انصاف کی حکومت نے نہ صرف پاکستان کو دیوالیہ ہونے سے بچایا بلکہ آج ہمارے زر مبادلہ کے ذخائر مستحکم ہیں ، روپے کو استحکام ملنے سے ہماری معیشت کو مضبوط بنیاد ملی ہے، ہم نے کبھی یہ نہیں کہا کہ ڈھائی سالوں میں عوام کیلئے دود ھ اور شہد کی نہریںبہا دی ہیں لیکن بنیادی سہولیات کی فراہمی اور ان کی زندگیوںمیں خوشحالی لانے کے لئے عملی پیشرفت جاری ہے ۔
