لاہور(عکس آن لائن)سابق وزیراعظم و مسلم لیگ (ن)کے قائد نواز شریف نے 21اکتوبر کو استقبالیہ جلسے کو ناقابل فراموش اجتماع قرار دے دیا،
سماجی رابطوں کی ویب سائٹ ایکس پر اپنی پوسٹ میں نواز شریف نے لکھاکہ 21اکتوبر کو تاریخی استقبال اور مینار پاکستان پر ایک ناقابل فراموش اجتماع منعقد کرنے پر عوام، خاص طور پر پاکستان مسلم لیگ(ن)کے رہنماﺅں اور ملک بھرسے تشریف لانے والے نوجوانوں، خواتین سمیت تمام محترم کارکنوں کا تہہ دل سے شکریہ ادا کرتا ہوں،انہوں نے کہا کہ آپ کی محبت، محنت اور خلوص میرا قیمتی اثاثہ تھا، ہے اور رہے گا،
ان کا کہناتھاکہ اللہ تعالی کے فضل اور آپ کے جذبے کے طفیل پاکستان اور عوام پھر سے بحرانوں سے نجات پائیں گے۔
