لاہور( )مسلم لیگ (ن) کا پنجاب کے ٹیچنگ ہسپتالوں کی نجکاری کا آڈریننس کو چیلنج کرنے کا اعلان،مسلم لیگ (ن) پنجاب کی ترجمان عظمیٰ بخاری نے کہا ہے کہ پنجاب حکومت نے رات گئے ڈاکٹرز،نرسوں ودیگر عملے سمیت مریضوں کے حق پر شب خون مارا ہے۔منتخب لوگ چوروں ڈاکوں کی طرح عوام کے حقوق پر ڈاکہ نہیں مارتے۔مہنگائی،بے روزگاری اور غربت کے بعد حکومت نے عوام سے مفت علاج معالجے کی سہولت بھی چھین لی ہے۔مسلم لیگ (ن) کی رہنما عظمیٰ بخاری کا پنجاب کے ٹیچنگ ہسپتالوں کی نجکاری کرنے پر ردعمل میں کہاٹیچنگ ہسپتالوں میں پرنسپل اور ایم ایس کا عہد ہ ختم کرنے کا مقصد ہسپتالوں کو بھی سیاسی اکھاڑہ بنانا ہے۔پنجاب کے ہسپتالوں میں فری علاج معالجہ کا اختیار بورڈآف گورنرکو دینے کا مطلب وزرائ،مشیروں اورخواریوں کے ہی مفت علاج ہونگے۔حکومت اپنی ذمہ داریوں سے راہ فرار تلاش کررہی ہے۔مسلم لیگ ن کے دور حکومت میں ینگ ڈاکٹرز اور نرسیں ہماری حکومت کے اچھے فیصلوں کےخلاف بھی سڑکوں پر ہوتے تھے۔ینگ ڈاکٹرز اور نرسوں نے بھی تبدیلی سرکاری کی اصلیت دیکھ لی ہو گی۔مسلم لیگ (ن) ٹیچنگ ہسپتالوں کی نجکاری کا آڈریننس چیلنج کرے گی۔رات کے اندھیرے میں بننے والی حکومت چھپ چھپ کر عوام کے حقوق پر ڈاکے مار رہی ہے۔
مزید پڑھیں
Load/Hide Comments
Recent Posts
- سائفر کیس،عمران خان اور شاہ محمود کی سزا کیخلاف اپیلیں سماعت کیلئے مقرر
- حکومت ڈیجیٹل میڈیا اتھارٹی کے قیام کے حوالے سے یکطرفہ قانون سازی کا کوئی ارادہ نہیں رکھتی، وزیر اطلاعات
- بشکیک میں پاکستانی طلبہ کو ہر قسم کی مدد کی فراہمی یقینی بنائی جائے، بلاول بھٹو
- پاکستانی طلبا کے تحفظ کو یقینی بنانے کے لئے کرغز حکام سے رابطہ کیا گیا ہے،نائب وزیر اعظم اسحاق ڈار
- سولہ ماہ کی حکومت میں متنجن بناہوا تھا،اب شہبازشریف کی قیادت میں اچھے فیصلے ہورہے ہیں’ رانا تنویر