لاہور(کورٹ رپورٹر) مسلم لیگ (ن) کی نائب صدر مریم نواز نے عمرے پر جانے کی اجازت کے لیے لاہورہائی کورٹ سے رجوع کر لیا۔ جسٹس شہباز علی رضوی اور جسٹس انوار الحق پنوں پر مشتمل بنچ مریم نواز کی درخواست پر سماعت کرے گا۔مریم نواز کی جانب سے درخواست میں موقف پیش کیا گیا کہ عدالتی حکم پر پاسپورٹ ہائیکورٹ نے سرنڈر کر رکھا ہے۔مسلم لیگ ن کی نائب صدر کے وکیل نے موقف اختیار کیا کہ مریم نوازعمرے کی ادائیگی کیلئے 27 اپریل کو سعودی عرب جانا چاہتی ہیں۔
پاسپورٹ سرنڈر ہونے کی وجہ عمرے کی ادائیگی نہیں ہوسکتی۔مریم نواز نے عدالت سے استدعا کی کہ عمرے کی ادائیگی کیلئے جانے کی اجازت دی جائے۔ عمرے کی ادائیگی کیلئے پاسپورٹ مریم نواز کے حوالے کرنے کا حکم دیا جائے۔لاہور ہائیکورٹ نے چودھری شوگر ملز کیس میں مریم نواز کو ضمانت دیتے ہوئے پاسپورٹ سرنڈر کرنے کا حکم دیا تھا۔
