لاہور( عکس آن لائن) نامور اداکار حیدر سلطان نے کہا ہے کہ عوام نے کورونا وائرس کو سنجیدگی سے نہ لیا تو یہ وباء ہمارے گلے پڑ جائے گی ، پاکستان سمیت دنیا بھر میں لوگ اس کی وجہ سے موت کے منہ میں جارہے ہیں لیکن اسے پھر بھی سنجیدگی سے نہیں لیا جارہا ۔
ایک ویڈیو بیان میں حیدر سلطان نے کہا کہ ہمیں کورونا وائرس سے بچنے کے لئے ہر ممکن احتیاطی تدابیر پر عمل پیرا ہونا ہوگا ۔ ہمیں نہ صرف خود کو بلکہ اپنے گھر والوں کوبھی اس وائرس سے بچانا ہے۔ اگر خدانخواستہ کسی گھر میں ایک شخص اس کا شکار ہو جائے تو پور ے خاندان کی زندگی مشکل میں پڑ جاتی ہے اس لئے ضروری ہے کہ ہم ایسی کسی صورتحال کا شکار ہونے سے پہلے ہی احتیاط کر لیں ۔
