بیجنگ (عکس آن لائن)چین میں معروف کمپنی علی بابا کے ارب پتی بانی طویل عرصے کے بعد منظر عام پر آئے۔بین الاقوامی میڈیا کی رپورٹ کے مطابق جیک ما کو چین کے شہر ہانگژو کے دورے پر اپنی کمپنی علی بابا کی مالی اعانت سے چلنے والے یونگو اسکول میں طلبا اور اساتذہ سے ملاقات کرتے ہوئے دیکھا گیا۔رپورٹ میں بتایا گیا کہ جیک ما نے یونگو اسکول کے کیمپس ڈائریکٹرز کے ساتھ تعلیم کے مستقبل کے بارے میں تبادلہ خیال کیا۔
جیک ما کے یونگو اسکول کے اس دورے سے متعلق اسکول انتظامیہ نے دی چیٹ اکاونٹ پر بتایا کہ جیک ما کے اسکول کے دورے کا مقصد ان چیلنجز اور مواقعوں پر تبادلہ خیال کرنا تھا جوکہ تعلیمی میدان میں نئی ٹیکنیکل تبدیلی لاتے ہیں۔واضح رہے کہ تقریبا 33 بلین ڈالرز کے مالک جیک ما اس وقت سے منظر عام پر بہت ہی کم آتے ہیں جس سے چینی حکومت کی جانب سے ٹیک سیکٹر پر شدید کریک ڈان کا آغاز کیا ہے۔
