سرگودھا(عکس آن لائن)سرگودھا ریجن میں برادری میں جھگڑا پر مسلح افراد نے فائرنگ کر کے ایک کو قتل اور دوسرے کو زخمی کر دیا۔علاقہ میں فائرنگ کی اطلاع پر پولیس نے مقتول اور زخمی کو ہسپتال منتقل کر کے ملزمان کی تلاش شروع کر دی۔
ذرائع کے مطابق سرگودھا ریجن میں واں بھچراں کے علاقہ مظفرپورجنوبی کی التہ برادری میں جھگڑا کے تنازعہ میں فائرنگ کر دی گئی جس کے نتیجہ میں ایک شخص جاں بحق اور دوسرا زخمی ہو گیا۔پولیس تھانہ واں بچھران نے موقع پر پہنچ کر مقتول کی نعش اور زخمی کو ہسپتال منتقل کر دیا اور علاقہ میں نفری تعینات کرتے ہوئے ملزمان کی تلاش اور واقعہ کی تفتیش شروع کر دی ہے۔
