سب ہی الیکشن سے راہ فرار اختیار کرنا چاہ رہے ہیں، ناصر شاہ

سکھر (عکس آن لائن)پاکستان پیپلز پارٹی کے رہنما ناصر شاہ نے کہا ہے کہ سب ہی الیکشن سے راہ فرار اختیار کرنا چاہ رہے ہیں۔

میڈیا سے گفتگو کرتے ہوئے ناصر شاہ نے کہا کہ جنوبی پنجاب میں سب سے بڑی پارٹی پیپلز پارٹی ہو گی، سینٹرل پنجاب میں مقابلہ ہو گا، سینٹرل پنجاب کے ناراض جیالے واپس آ رہے ہیں۔انہوں نے کہا کہ پیپلز پارٹی کے مقابلے میں جیتنے والے بھی پیپلز پارٹی میں آگئے ہیں، کوئی کھل کر انتخابات کی بات نہیں کر رہا، کوئی سیکیورٹی کی اور کوئی موسم کی بات کر رہا ہے۔

ناصر شاہ نے کہاکہ نواز شریف کی آمد پر جو جلسہ ہوا، اس میں بھی الیکشن کی بات نہیں کی، بلاول بھٹو کہہ چکے ہیں پی ٹی آئی کو الیکشن میں حصہ لینے دیا جائے۔پیپلز پارٹی کے رہنما نے کہا کہ پرویز الہٰی کی اہلیہ سے پیپر چھیننے کی مذمت کرتے ہیں، پی ٹی آئی 9 مئی کی سوچ رکھنے والے کو ڈس اون کرے گی تو ان سے بات کیوں نہیں ہو سکتی۔