راولپنڈی(عکس آن لائن) ا لیکشن کمیشن نے راولپنڈی کے حلقہ پی پی 7 کے ضمنی انتخاب میں راجا صغیر کو کامیاب قرار دے دیا،مسلم لیگ ن کے راجہ صغیر احمد 68918 ووٹ لیکر پہلے جبکہ تحریک انصاف کے کرنل(ر) محمد شبیر اعوان 68863 ووٹ لے کر دوسرے نمبر پر رہے۔
تفصیلات کے مطابق راولپنڈی کے حلقہ پی پی7 کے مسترد ووٹوں کی جانچ پڑتال مکمل کر لی گئی جس کے بعدن لیگ کے راجہ صغیر احمد کامیاب قرارپائے ہیں۔ مسلم لیگ ن کے امیدوار راجہ صغیراحمد کی برتری بڑھ کر 55 ہوگئی،ریٹرننگ افسر حلقہ پی پی7 نے مسترد ووٹوں کی جانچ پڑتال کے بعد حتمی نتائج جاری کردئیے۔
جاری کردہ نتائج کے مطابق مسلم لیگ ن کے راجہ صغیر احمدنے 68918 ووٹ حاصل کئے جبکہ تحریک انصاف کے کرنل (ر)محمد شبیر اعوان 68863 ووٹ لے کر دوسرے نمبر پر رہے۔ الیکشن کمیشن نے مسلم لیگ ن کے راجہ صغیر کی کامیابی کا نوٹی فکیشن جاری کر دیا ہے۔