گجرات (نمائندہ عکس آن لائن)جی ٹی روڈ کھاریاں پر ہلڑ بازی اور ہوائی فائرنگ کرتے ہوئے ویڈیوسوشل میڈیا پراپلوڈ کرنے والے گروپ کا سرغنہ اسلحہ سمیت گرفتار کر لیا گیا
تفصیلات کے مطابق گجرات میں چند روز قبل سوشل میڈیا پر ایک ویڈیو وائرل ہوئی ،جس میں کچھ طلباءمین شاہراہ پر ہلڑبازی اور ہوائی فائرنگ کر رہے تھے جس پر ڈی پی او گجرات سید توصیف حیدر نے ضلع بھر کے ایس ایچ او ز کو ایسے عناصر جو کہ طلباءیونین اور گروپس کی آڑ میں پر تشدد کاروائیوں اور ہلڑ بازی کے ذریعے عوام الناس کے لئے پریشانی کا باعث بنتے ہیں جبکہ معصوم طلباءکوورغلا کر گروپ بندی میں ملوث کر کے انکا مستقبل تباہ کرتے ہیں،
انکے خلاف فوری کاروائی عمل میں لائیں اس سلسلہ میں ایس ایچ او تھانہ صدر کھاریاں ایس آئی مجاہد عباس نے اپنی ٹیم کے ہمراہ فوری کاروائی کرتے ہوئے جی ٹی روڈ پر ہوائی فائرنگ اور ہلڑبازی کرنے والے گروپ کے لیڈر حق نواز ولد رب نواز سکنہ کھاریاں کینٹ کو ٹریس کر کے اسلحہ سمیت گرفتار کر لیا دوران تفتیش ملزم نے اعتراف کیا ہے کہ اس نے” پنجتنی پچانوے سرکار” کے نام سے ایک سٹوڈنٹ تنظیم بنا رکھی ہے اور ہلڑبازی وغیرہ میں ملوث ہے ۔
