لاہور (عکس آن لائن)گاڑی کو پیش آنے والے حادثے کے بعد شعیب ملک نے مداحوں کو پیغام دیا ہے کہ میں بالکل ٹھیک اور خیریت سے ہوں۔واضح رہے کہ لاہور میں ہائی پرفارمنس سینٹر کے باہر شعیب ملک کی گاڑی کو حادثہ پیش آیا تھا۔ سوشل میڈیا پر گردش کرتی تصاویر میں دیکھا گیا کہ شعیب ملک کی اسپورٹس کار ایک ٹرک سے ٹکراگئی ہے۔ قومی کرکٹر کی گاڑی کو دیکھ کر ایسا محسوس ہوا کہ شاید انھیں بھی شدید چوٹیں آئیں ہوں، تاہم ان کی جانب سے اس معاملے میں بیان سامنے آیا جس میں انھوں نے کہا کہ میں بالکل ٹھیک اور خیریت سے ہوں، حادثہ اتفاق سے پیش آیا، اللّٰہ تعالی نے مجھ پر مہربانی کی۔شعیب ملک نے کہا کہ میری خیریت دریافت کرنے والوں کا شکریہ ادا کرتا ہوں۔ انھوں نے محبت و پیار دینے پر اپنے مداحوں کا شکریہ بھی ادا کیا۔
