آکلینڈ (عکس آن لائن)قومی کرکٹ ٹیم کے کپتان بابر اعظم کی نیوزی لینڈ کے خلاف ٹی ٹوئنٹی سیریز سے باہر ہونے کے بعد پہلے ٹیسٹ میں بھی شرکت مشکوک ہوگئی۔
کپتان بابر اعظم کا 13 دسمبر کو ٹریننگ کے دوران دائیں ہاتھ کا انگوٹھا فریکچر ہوا، بابر اعظم کو 12 روز کے لیے آرام تجویز کیا گیا وہ فزیکل ٹریننگ میں مصروف ہیں۔ذرائع کے مطابق وقت کی کمی کے باعث بابر اعظم کی پہلے ٹیسٹ میں شمولیت یقینی نہیں ، اوپنر امام الحق کی بھی پہلے ٹیسٹ میں شمولیت مشکوک ہے۔امام الحق کے بائیں ہاتھ کا انگوٹھا فریکچر ہے جس کے باعث اْن کیلئے 12 روز کا آرام تجویز کیا گیا ہے۔پاکستان اور نیوزی لینڈ کے درمیان پہلا ٹیسٹ 26 دسمبر کو شروع ہوگا۔
