لیڈز (عکس آن لائن)انگلینڈ اور پاکستان کی کرکٹ ٹیموں کے درمیان چار ٹی 20 انٹرنیشنل میچوں پر مشتمل سیریز کا دوسرا میچ 25مئی کوبرمنگھم میں کھیلا جائیگا ، دونوں ٹیموں کے درمیان سیریزکا پہلا میچ بارش کی نذر ہوگیا تھا ۔تفصیلات کے مطابق لیڈز، یارکشائر میں پاکستان اور انگلینڈ کے درمیان چار میچوں کی سیریز کا پہلا ٹی20 میچ شیڈول تھا لیکن بارش کی وجہ سے میچ کو ٹاس سے آدھا گھنٹہ قبل ہی منسوخ کرنے کا اعلان کردیا گیا۔ پورا دن لیڈز میں بارش کا امکان ظاہر کیا گیا تھا اور صبح سے جاری بارش کے سبب پورا میدان کورز سے ڈھکا ہوا تھا۔
اب دونوں ٹیموں کے درمیان سیریز کا دوسرا میچ 25مئی کو برمنگھم میں کھیلا جائیگا ۔پاکستانی ٹیم مایہ ناز بیٹر بابر اعظم کی زیر قیادت میدان میں اترے گی ،سکواڈ میں شامل دیگر کھلاڑیوں میں فخر زمان،صائم ایوب،افتخار احمد،عرفان خان،آغا سلمان،عماد وسیم،شاداب خان،اعظم خان،محمد رضوان ،عثمان خان ،ابرار احمد،حارث رئوف،حسن علی،عباس آفریدی،محمد عامر،نسیم شاہ اورشاہین آفریدی شامل ہیں ۔ انگلینڈ ٹیم کو جوز بٹلرلیڈ کریں گے جبکہ دیگر کھلاڑیوں میں ہیری بروک،بین ڈکٹ،معین علی،ول جیکس،لیام لیونگسٹون،ثام کرن،جونی بیرسٹو،فلپ سالٹ،جوفرا آرچر،ٹام ہارٹلی،کرس جارڈن،عادل رشید،ریس ٹوپلی اورمارک ووڈشامل ہیں ۔
انگلینڈ اور پاکستان کی ٹیموں کے درمیان چار میچوں کی سیریز کا تیسرا میچ 28 مئی کو کارڈف میں جبکہ چوتھا اور آخری ٹی ٹونٹی میچ 30 مئی کو لندن میں کھیلا جائیگا۔
