واشنگٹن(عکس آن لائن)امریکا کی جانب سے ایران کے شہر کرمان میں بم دھماکوں اور لبنان میں اسرائیلی ڈرون حملے سے لا تعلقی کا اظہار کردیا گیا ہے۔
غیرملکی میڈیاکے مطابق امریکی قومی سلامتی کے ترجمان جان کربی نے پریس بریفنگ کے دوران گفتگو کرتے ہوئے کہا کہ امریکا اسرائیل سے مل کر حماس کو ختم کر دے گا، بحیرہ احمر میں اپنے عالمی شراکت داروں کے ساتھ مل کر حکمت عملی بنائیں گے۔
انہوں نے کہا کہ ہمیں نہیں پتہ ایران اور لبنان میں حملوں کا ذمہ دار کون ہے اور کون ان کا بینیفشری ہے، ایران میں بم دھماکوں اور لبنان میں ہونے والے ڈرون حملے کا امریکا اور اسرائیل ذمہ دار نہیں، ہمارا ان حملوں سے کوئی لینا دینا نہیں۔
