اسلام آباد (عکس آن لائن)اسلام آباد ہائیکورٹ نے ترمیمی ریگولیشنز کے تحت ٹی وی چینلز کو جاری شوکاز نوٹسز پر پیمرا کو حتمی فیصلہ دینے سے روک دیا جبکہ عدالت عالیہ نے اٹارنی جنرل کو آئندہ سماعت کے لیے عدالتی معاونت کے لئے نوٹس اور پیمرا کو نوٹس جاری کرکے دو ہفتے میں جواب طلب کر لیا ۔
ہاؤسنگ سوسائٹیز کے اشتہارات ٹی وی پر چلانے سے روکنے کی کے خلاف درخواست پر سماعت چیف جسٹس عامر فاروق نے کی ۔ ہائی کورٹ نے کہاکہ پیمرا نے جن چینلز کو ان ریگولیشنز کے تحت شوکاز کیے ان پر حتمی فیصلہ نا کرے ۔ وکیل فیصل صدیقی نے کہاکہ ہاؤسنگ سوسائٹیز سے متعلق اشتہارات چلانے سے روکا گیا ہے ۔ وکیل نے کہاکہ ریگولیشنز کی خلاف ورزی پر پیمرا شوکاز نوٹس کرکے ایک ملین جرمانہ کر رہا ہے ۔
وکیل فیصل صدیقی نے کہاکہ دوبارہ یہی خلاف ورزی پر پیمرا کے پاس لائسنس معطل کرنے کا بھی اختیار ہے ، اٹھارویں ترمیم کے بعد بلڈنگ ااتھارٹی اور کنسٹریکشن صوبائی معاملہ ہے ۔ وکیل فیصل صدیقی نے کہاکہ یہ ریگولیشنز قانونی طور پر درست نہیں کالعدم قرار دی جائیں۔عدالت نے کیس کی مزید سماعت دو ہفتے کے لیے ملتوی کردی۔
