مقبوضہ بیت المقدس (عکس آن لائن)فلسطین کے ممتاز عالم دین اور مسجد اقصی کے خطیب الشیخ عکرمہ صبری نے بیت المقدس میں گھروں پر اسرائیلی قبضے کے خلاف جاری دھرنے کے شکرکا سے خطاب کرتے ہوئے کہاہے کہ اپنے حقوق کا دفاع جہاد ہے۔ فلسطینی اپنے گھروں پر اسرائیلی فوج کے قبضے، گھروں کی مسماری اور جبری ھجرت کے خلاف احتجاج جاری رکھیں۔مرکز اطلاعات فلسطین کے مطابق مسجد اقصی کے جنوبی قصبے سلوان میں بطن الھوی کالونی میں مکانات کی مسماری اور گھروں پر اسرائیلی فوج کے قبضے کے خلاف دھرنے کے شرکا سے خطاب کرتے ہوئے کہا کہ فلسطینی اپنے گھروں، وطن اور اپنے حقوق کے دفاع کی جنگ لڑ رہے ہیں۔ ہماری یہ جدوجہد جہاد ہے۔ فلسطینی شہری اپنے حقوق اور اسرائیلی مظالم کے خلاف احتجاج کا سلسلہ جاری رکھیں۔انہوں نے اسرائیلی فوج کی طرف سے فلسطینیوں کے گھروں کی مسماری، قبضے اور دھرنا دینے والے شہریوں کو دھمکانے کی شدید مذمت کی۔ان کا کہنا تھا کہ سلوان کے باشندوں کا مسجد اقصی کے ساتھ مضبوط تعلق ان کے مضبوط ایمان کا ثبوت ہے۔ ان کا کہنا تھا کہ سلوان اور القدس کے دوسرے علاقوں کے باشندے اپنے گھروں اپنے حقوق اور وطن کے دفاع کے لیے جدوجہد کر رہے ہیں۔الشیخ صبری کا کہنا تھا کہ فلسطینی قوم سنہ 1917 سے قابض صہیونیوں اور دوسری استبدادی طاقتوں کے غاصبانہ قبضے کے خلاف نبرد آزما ہے۔ ہم اپنے حقوق، وطن کے دفاع اور مقدسات کی آزادی کے لیے منطقی انجام تک کوششیں جاری رکھیں گے۔
مزید پڑھیں
Load/Hide Comments
Recent Posts
- رانس، سربیا اور ہنگری میں زندگی کے تمام شعبوں سے تعلق رکھنے والے افراد چینی صدر کے دورے کے منتظر
- ہنگری کے عوام چینی صدر شی جن پھنگ کے دورے کے منتظر
- شی جن پھنگ کے پسندیدہ اقوال ” کے بین الاقوامی ورژن کی سربیا اور دیگر ممالک کے مین اسٹریم میڈیا پر نشر یات
- شی جن پھنگ کے پسندیدہ اقوال ” کے بین الاقوامی ورژن کی ہنگری کے متعدد مین اسٹریم میڈیا پر تشہیر
- چینی صدر فرانس، سربیا اور ہنگری کے سرکاری دوروں پر روانہ