لاہور (عکس آن لائن) ورلڈ ایتھلیٹکس چمپئن شپ کے جیولین تھرو مقابلے میں سلور میڈیا جیتنے پر شاہین آفریدی اور حارث رئوف نے ارشد ندیم کو مبارکباد دی ۔
سوشل میڈیا پر جاری ویڈیو میں پاکستانی کرکٹ ٹیم کے اسٹار بولرز شاہین شاہ آفریدی اور حارث رئوف نے ارشد ندیم کے لیے نیک خواہشات کا اظہارکیا۔شاہین شاہ آفریدی کا کہنا تھا کہ آپ پاکستان کا فخرہیں۔ بہت ساری مبارکباد۔شاہین شاہ آفریدی نے ارشد ندیم کو مخاطب کرتے ہوئے کہا کہ آپ کو میڈل کی بہت بہت مبارک باد۔
حارث رئوف کا کہنا تھا کہ ورلڈ ایتھلیٹکس چمپئن شپ میں سلور میڈل جیتنا پاکستان کے لیے بہت فخر کا لمحہ ہے۔ آپ اسی طرح پاکستان کو میڈل جتواتے رہیں۔
