برلن ( عکس آن لائن)جرمن چانسلر انجیلا میرکل نے امریکی صدر جو بائیڈن کے ساتھ فون پر اپنی پہلی گفتگو میں کہا ہے کہ کورونا وائرس کی وبا اور ماحولیاتی تبدیلی جیسے عالمی چیلنجز سے نمٹنے کے لیے بین الاقوامی تعاون بہت اہم ہے۔غیرملکی خبررساں ادارے کے مطابق جرمن چانسلر میرکل کے ترجمان اشٹیفین زائبرٹ نے بتایا کہ جرمن چانسلر میرکل اور امریکی صدر جو بائیڈن نے فون پر بات چیت کے دوران اس بات پر اتفاق کیا ہے کہ کورونا وائرس جیسی عالمی وبا اور دیگر بین الاقوامی چیلنجز کا اسی صورت میں مقابلہ کیا جا سکتا ہے جب تمام ممالک ایک ساتھ مل کر کام کریں۔ جرمن چانسلر کے ترجمان اشٹیفین زائبرٹ نے کہاکہ چانسلر اور امریکی صدر نے اس بات پر اتفاق کیا ہے کہ کورونا وائرس جیسی عالمی وبا سے نمٹنے کے لیے مضبوط ترین بین الاقوامی کوششوں کی ضرورت ہے۔ان کا مزید کہنا تھا کہ دونوں رہنماں نے افغانستان اور ایران جیسے مسائل سے نمٹنے کے لیے خارجہ پالیسی نیز تجارتی امور اور ماحولیات کی تبدیلی جیسے اہم مسائل پر بھی تبادلہ خیال کیا۔ترجمان اشٹیفین زائبرٹ کا کہنا تھا کہ چانسلر میرکل نے جرمنی کی طرف سے اپنے یورپی اور بحر اوقیانوسی شراکت داروں کے ساتھ مل کر بین الاقوامی امور سے نمٹنے میں ذمہ داری قبول کرنے کی رضامندی کا بھی اظہار کیا۔ جرمن چانسلر نے بائیڈن کو امریکا کا صدر بننے پر مبارک باد پیش کی اور جیسے ہی کورونا کی وبا انہیں سفر کی اجازت دے، جرمنی آنے کی بھی دعوت دی۔
مزید پڑھیں
Load/Hide Comments
Recent Posts
- سائبر کرائمز سے نمٹنے کیلئے برطانیہ کے تعاون کا خیرمقدم کرینگے، محسن نقوی
- 13 کروڑ عوام کو جوابدہ ہوں، پولیس کرائم کنٹرول کرے،مریم نواز
- پٹرول کی قیمت میں 15 روپے فی لیٹر کمی نہ کرنے کا اقدام لاہور ہائیکورٹ میں چیلنج
- ملک میں جاری غیراعلانیہ لوڈشیڈنگ کا اقدام لاہور ہائیکورٹ میں چیلنج
- خیبرپختونخوا کا گورنر ہاوس کسی سازش کاحصہ نہیں ہوگا ، فیصل کریم کنڈی