کراچی (عکس آن لا ئن) سابق اداکارہ و ماڈل زینب جمیل نے اپنی انسٹاگرام پروفائل پکچر تبدیل کردی ہے۔اداکاری و ماڈلنگ سے کنارہ کشی اختیار کرنے کا اعلان کرنے والی زینب جمیل نے انسٹاگرام پر موجود اپنے آفیشل اکاؤنٹ کی پروفائل پکچر تبدیل کرکے قرآنی آیت کی تصویر لگا ئی ہے جس میں عربی اور انگریزی زبان میں قرآنی آیت درج ہے۔دوسری جانب زینب جمیل کی جانب سے شوبز چھوڑنے کے فیصلے کو سوشل میڈیا صارفین کی جانب سے خوب سراہا جارہا ہے اور یہی وجہ ہے کہ دن بدن اْن کے فالوورز میں اضافہ ہورہا ہے۔اس سے قبل زینب جمیل نے اپنی انسٹاگرام پوسٹ میں کہا تھا کہ ‘اپنی روحانی نشوونما کے لیے عہد کریں، یہ آسان سفر نہیں ہے کیونکہ شیطان آپ کو آپ کے مقصد سے ہٹانے کیلئے بھرپور کوشش کرے گا’۔
