اسلام آباد (عکس آن لائن) اسلام آباد ہائیکورٹ نے لیفٹیننٹ جنرل (ر)امجد شعیب کے خلاف درج مقدمے کے اخراج کے لئے دائر درخواست پر اعتراض دور کرنے کی ہدایت کر دی۔تفصیلات کے مطابق اسلام آباد ہائیکورٹ کے چیف جسٹس عامر فاروق نے امجد شعیب کے خلاف درج مقدمے کے اخراج کے لئے دائر درخواست کی سماعت کی۔امجد شعیب کی جانب سے وکلاء احمد حسن شاہ، قیصر امام اور قاسم ودود عدالت پیش ہوئے۔عدالت نے امجد شعیب کی درخواست پر اعتراض دور کرنے کی ہدایت کرتے ہوئے کیس کی سماعت (آج) جمعرات تک کیلئے ملتوی کر دی
