شیر افضل مروت

اسلام آباد میں دھرنا دیں گے، دیکھتے ہیں کون لاٹھیاں برساتا ہے، شیر افضل مروت

اسلام آباد(عکس آن لائن)پاکستان تحریک انصاف کے رکن قومی اسمبلی شیر افضل مروت نے کہا ہے کہ ہم پنجاب جا رہے ہیں، اسلام آباد میں دھرنا دیں گے، دیکھتے ہیں کون لاٹھیاں برساتا ہے۔نجی ٹی وی سے گفتگو کرتے ہوئے شیر افضل مروت نے کہا کہ 30ہزار لوگ ساتھ ہوں، دیکھتے ہیں کون ہم پر لاٹھیاں برساتے ہیں۔شیر افضل مروت نے کہا کہ مخصوص نشستوں پر حلف نہ لینے کے علی امین گنڈاپور کے بیانیے کی تائید کرتا ہوں۔

مخصوص نشستیں کیسے ن لیگ اور جے یو آئی کو دی جا سکتی ہیں۔شیر افضل مروت نے پی ٹی آئی رہنما سلمان احمد کو جواب دیتے ہوئے کہا کہ آپ کا بیان آپ کی سوچ کا عکاس ہے، ایسے تنازع سے آپ لوگوں کو اپنی طرف متوجہ کرنا چاہتے ہیں۔پی ٹی آئی رہنما نے کہا کہ آپ اور آپ جیسے دو غداروں سے میری سوشل میڈیا ٹیم نمٹ لے گی، 5 اپریل تک انتظار کریں، آپ کو جواب ضرور دیا جائے گا۔

اپنا تبصرہ لکھیں