کراچی(عکس آن لائن)سندھ کے وزیر تعلیم سعید غنی نے کہا ہے کہ ہم تعلیمی ادارے بند کرنے کے حق میں نہیں ہیں،والدین ان بچوں کو اسکولز نہ لائیں جن کی طبیعت ٹھیک نہیں، ہر شخص کی اپنی ذمہ داری ہے کہ وہ احتیاطی تدابیر پر عمل کرے۔ خصوصی گفتگوکرتے انہوں نے کہا کہ ہم نہیں چاہتے کہ تعلیمی ادارے بند ہوں اور باقی جگہوں پر ایس او پیز پر عمل درآمد نہ ہو۔
سعید غنی نے کہاکہ کورونا وائرس سے بچائو کے لیے اقدامات پر عمل درآمد ضروری ہے، تعلیمی اداروں کی بندش سے متعلق ہمارا موقف وہی ہے جو پہلے تھا۔انہوں نے کہا کہ سندھ حکومت نے پہلے بھی یہی کہا تھا کہ کوئی ایسی حکمت عملی ہو جس کے تحت مضبوط اقدام اٹھایا جاسکے۔
