لاہور(عکس آن لائن) پنجاب حکومت نے گنے کی کم از کم قیمت 200روپے فی من مقرر کرنے کا باضابطہ نوٹیفکیشن جاری کر دیا۔ محکمہ خوراک کی جانب سے جاری کئے گئے نوٹیفکیشن کے مطابق خلاف ورزی پر شوگر فیکٹریز آرڈیننس کے تحت کارروائی کی جائے گی ۔ 200روپے فی من سے کم قیمت پر گنا خرید نہیں کیا جا سکے گا ۔گنے کی مقررہ قیمت کے مطابق رسید دینا بھی ضروری ہوگا۔ رقم براہ راست کسان کے اکائونٹ میں منتقل کی جائیگی۔ قانون کی خلاف ورزی پر 3سال قید اور 50لاکھ تک یومیہ جرمانہ ہوگا۔
