کراچی (عکس آن لائن) اداکارہ رباب ہاشم کا کہنا ہے کہ انہوں نے پہلی ملازمت 10 سے 11سال کی عمر میں کی۔ معروف اداکارہ حال ہی میں ایک ویب شو میں جلوہ گر ہوئیں اور دوران شو مداحوں کو اپنی پہلی ملازمت اور تنخواہ سے متعلق آگاہ کیا۔
اداکارہ نے کہا کہ انہوں نے پہلی جاب ایک نجی ٹی وی کے چائلڈ پروگرام میں بطور چائلڈ رپورٹر کی، اس وقت ان کی عمر 10سے 11 سال تھی۔ رباب ہاشم کا کہنا تھا کہ انہوں نے پہلا آڈیشن 10سال کی عمر میں اسی شو کے لیے دیا تھا جس کے لیے وہ منتخب کرلی گئی تھیں۔ اداکارہ کا مزید کہنا تھا کہ انہوں نے پہلی تنخواہ اس پروگرام سے تین ہزار روپے ملی تھی۔
