لاہور( عکس آن لائن )پاکستان اورجنوبی افریقہ کی کرکٹ ٹیموں کے درمیان تین ٹی ٹونٹی میچوں کی سیریز کا پہلا میچ آج( جمعرات ) کو کھیلا جائیگا جو ڈ ے اینڈ نائٹ ہوگا،دونوں ٹیمیںٹی ٹونٹی مقابلے میں 2سال 5دن کے بعدمدمقابل ہوں گی۔دونوں ٹیموں کے درمیاںآخری ٹی ٹونٹی میچ 6فروری2019کوسنچورین میں کھیلاگیاجوپاکستان نے سنسنی خیزمقابلے کے بعد27رنزسے جیتا تھا۔دونوں ٹیموں کے مابین کھیلے گئے آخری تین ٹی ٹونٹی میچوں میں سے ایک میچ پاکستان نے اور دومیچ جنوبی افریقہ نے جیتے تھے ۔دونوں ٹیموں کے مابین مجموعی طورپر2007سے6فروری2019تک14ٹی ٹونٹی میچ کھیلے گئے جن میں سے6 میں گرین شرٹس اور8 میں پروٹیز نے کامیابی سمیٹی ۔پاکستان کی کامیابی کاتناسب42.85فیصداورجنوبی افریقہ کی کامیابی کاتناسب58.33فیصدہے۔
