اسلام آباد (عکس آن لائن ) وفاقی وزیر صنعت و پیداوار حماد اظہر نے کہا ہے کہ فیصل آباد میں ٹیکسٹائل کی صنعت کی سرگرمیوں میں تیزی آئی ہے۔ اپنے ٹویٹ میں انہوں نے کہا کہ 2018 میں ٹیکسٹائل کی سینکڑوں یونٹیں بند ہونے سے لاکھوں افراد بیروزگار ہو گئے تھے۔ حکومتی اقدامات کے نتیجہ میں فیصل آباد کی ٹیکسٹائل صنعت کا دوبارہ احیا ہو چکا ہے اور اس شعبہ میں استعداد کے مطابق سرگرمیاں جاری ہیں۔ انہوں نے کہا کہ فیصل آباد کی ٹیکسٹائل کی صنعت میں اس وقت مزدوروں کی کمی کا سامنا ہے۔
