سکھر(عکس آن لائن)علامہ اقبال اوپن یونیورسٹی سمسٹر بہار 2021 کے دوسرے مرحلے میں داخلے 22 فروری سے شروع کیے گئے ہیں جس کی آخری تاریخ 25 مارچ 2021 مقرر کی گئی ہے ۔ یونیورسٹی کے ڈپٹی ریجنل ڈائریکٹر عطا حسین موسوی کی جانب سے جاری کردہ اعلامیے میں بتایا گیا ہے کہ یونیورسٹی کے داخلوںکے شیڈول کے مطابق بی ایس سی(چار سالہ پروگرام)، ایم اے ایم ایس سی ، ایم ایڈ، ٹیچر ٹریننگ پروگرامز، بی اے/ لائبریری سائنس(ایسوسی ایٹ ڈگری) ، بی کام ، بی بی اے(چار سالہ پروگرام)،پوسٹ گریجویٹ اور اے ٹی ٹی سی پروگرام شامل ہیں ۔
تمام پروگراموں میں داخلوں کے خواہش مند امیدوار یونیورسٹی کی ویب سائٹ hhttp://online.aiou.edu,pk پر وزٹ کرکے آن لائن رجسٹریشن کراسکتے ہیں اس سلسلے میں پراسپکٹس یونیورسٹی کے ریجنل سینٹر سکھر میں قائم کردہ سیل پوائنٹ اور دفتر سے حاصل کیے جاسکتے ہیں ۔ مزید معلومات کے لیے ٹیلیفون نمبر 071-58078213 پر بھی رابطہ کر سکتے ہیں ۔
