کراچی(عکس آن لائن)پاکستان پیپلز پارٹی کے سینئررہنمااور سابق اپوزیشن لیڈر سیدخورشید شاہ نے کہاہے کہ ریاست کے حق میں کیے گئے تمام حکومتی فیصلوں کی حمایت کریں گے، پی ٹی آئی کیلیے مذاکرات کے دروازے ہر وقت کھلے ہیں، مولانا فضل الرحمان زیرک سیاستدان ہیں، اپنی سیاست بہتر طریقے سے آگے لیکر چلیں گے۔
خصوصی گفتگو میں سیدخورشید شاہ نے کہا کہ سینیٹ الیکشن کے بعد گورنر شپ کے فیصلے ہوں گے، پارلیمنٹ کو مدت پوری کرنی چاہیے ورنہ ریاست کو نقصان ہوگا۔انہوں نے کہاکہ معیشت کو بہتر کرنے کیلیے موثر اور دیرپا فیصلے کرنے ہوں گے۔
پی پی پی رہنما نے کہا کہ سینیٹ الیکشن کیلیے بلوچستان اور خیبر پختونخوا میں مولانا فضل الرحمان کو ہمارا تعاون حاصل ہے، مولانا فضل الرحمان زیرک سیاستدان ہیں، اپنی سیاست بہتر طریقے سے آگے لیکر چلیں گے۔
