نارووال(عکس آن لائن) رواں سال کی دوسری انسداد پولیو مہم کاآغاز 26فروری سے ہوگا،انسدادپولیومہم 26فروری سے یکم مارچ تک جاری رہے گی۔
سی ای اوہیلتھ ڈاکٹرمحمدنویدحیدرکی سربراہی میں انسدادپولیومہم کے حوالے سے پولیوٹریننگ کاآغازکردیاگیا۔ڈی او ہیلتھ ڈاکٹرمحمدطارق،تینوں تحصیلوں کیڈپٹی ڈی اوز ڈاکٹر خالد محمود، ڈاکٹرقیصروسیم،ڈاکٹرمحمدآصف،ڈی ایس وی مجاہدعلی کے علاوہ تمام آرایچ سی اور بی ایچ یوزکے انچارجزنے ٹریننگ میں شرکت کی۔
سی ای او ہیلتھ نارووال نے اس موقع پر تمام انچارجزکوہدایت کی کہ وہ 26فروری کوہونے والی انسدادپولیومہم کو کامیابی سے ہمکنار کرنے کے لیے دل جمعی کے ساتھ اپنے فرائض منصبی اداکریں کیونکہ نئی نسل کامستقبل ان کی صحت سے وابستہ ہے، ملکی کی ترقی وخوشحالی کادارومداربچوں کی صحت سے منسلک ہے۔واضح رہے کہ 2003سے نارووال پولیوفری ضلع ہے۔
