کراچی(عکس آن لائن)اغواکاروں نے دعا منگی کی رہائی کیلئے تاوان کا مطالبہ کر دیاکراچی پولیس کو مغوی لڑکی دعا کی تلاش میں ناکام، اغوا کاروں نے انٹرنیٹ کے ذریعے اہلخانہ سے تاوان کا مطالبہ کر دیا۔کراچی میں ڈیفنس سے اغواءہونے والی دعا کی تلاش پولیس کے لئے چیلنج بن گئی، تفتیشی ٹیم نے شبہ ظاہر کیا ہے کہ مغوی لڑکی کو پیشہ وراغواءکار گروہ نے اغوا ءکیا۔
مغوی لڑکی کے اہل خانہ کو مشکوک کالز بھی موصول ہوئی، اہل خانہ نے مشکوک کالز کی اطلاع پولیس کو دے دی۔ دوسری جانب تفتیشی کاروں نے ضلع جنوبی میں اغواءبرائے تاوان کی وارداتوں کی جانچ پڑتال شروع کر دی ہے جبکہ بے نتیجہ رہ جانے والے کیسز کا بھی جائزہ لیا جا رہا ہے۔
چند روز پہلے ڈیفنس کراچی سے اغواءہونے والی دعا منگی کو جس گاڑی میں اغوا کار لیکر گئے اس گاڑی سے ملتی جلتی کار نے پولیس حکام کی تحقیقات کا پول کھل دیا نجی ٹی وی کے مطابق مماثلت رکھتی خالد بن ولید روڈ سے چھینی گئی گاڑی کو ملزمان چھوڑ کر فرار ہوئے، شارع فیصل پولیس نے لاوارث گاڑی کو پولیس مقابلے سے جوڑ دیا،27 نومبر کو فیروز آباد سے گاڑی چھیننے کی رپورٹ درج کی گئی۔
شارع فیصل پولیس نے گاڑی سے متعلق مقدمہ میں 25 نومبر کا ذکر کیا، شارع فیصل پولیس نے چوری شدہ گاڑی کو پولیس مقابلے سے منسلک کر ڈالا، گاڑی کے اصل مالک نے گاڑی چھینے کی تصدیق کر چکا ہے۔
