اسلام آباد(عکس آن لائن)بینک دولت پاکستان نے آئی ایف آر ایس 9 کے نفاذ کی نظرثانی شدہ ٹائم لائن کے ساتھ اس کی حتمی ہدایات جاری کر دی ہیں تا کہ بینکاری کی صنعت میں اس کے مثر اور مستحکم نفاذ کو یقینی بنایا جا سکے۔ 31 دسمبر 2021 تک سالانہ مالی گوشواروں کے مطابق 500 ارب روپے یا زائد کے اثاثوں کا حجم رکھنے والے بینکوں اور تمام ڈویلپمنٹ فنانس انسٹی ٹیوشنز(ڈی ایف آئیز) کے لیے اس پر عملدرآمد کی نظرثانی شدہ تاریخ یکم جنوری 2023 مقرر کی گئی ہے۔ جبکہ تمام دیگر بینکوں اور مائیکروفنانس بینکوں کے لیے اسٹیٹ بینک نے آئی ایف آر ایس 9 کے نفاذ کی نظرثانی شدہ حتمی تاریخ یکم جنوری 2024 مقرر کی ہے۔ قبل ازیں ، بینکوں کی جانب سے آئی ایف آر ایس 9 کے نفاذ کے لیے اسٹیٹ بینک نے یکم جنوری 2022 کی تاریخ مقرر کی تھی، جس پر اب ایسے بینکوں کی درخواست پر نظرثانی کی گئی ہے جنہیں نئے میعار کے نفاذ میں چیلنجوں کا سامنا ہے۔
اسٹیٹ بینک پاکستان میں آئی ایف آر ایس 9 کو اختیار کرنے کے لیے 2018 کے آغاز سے بینکاری کی صنعت کے ساتھ مشاورت کر رہا ہے۔ آئی ایف آر ایس 9 ایک عالمی معیار ہے جسے انٹرنیشنل اکانٹنگ اسٹینڈر بورڈ(آئی اے ایس بی)کی جانب سے جاری کیا گیا ہے۔ اس معیار میں مالی آلات کی درجہ بندی ، پیمائش اور مالی اثاثوں کی امپیئرمنٹ کے متعلق اکانٹنگ کا طریقہ کار فراہم کیا گیا ہے۔ آئی ایف آر ایس 9 کے نفاذ کے ساتھ provisioning کی موجودہ شرط جس میں incurred نقصان کے طرز فکر کی جگہ متوقع قرضہ نقصان provisions پر عمل ہو گا جو فعال کے ساتھ ساتھ غیر فعال پورٹ فولیو کے متوقع نقصانات پر مبنی ہو گا۔ یہ طرز فکر مستقبل بین ہے اور اس میں خطرہ قرض کے ماڈلز پر مبنی قرضہ جاتی نقصان کی provisions کی مثر پیمائش کی جاتی ہے۔
