اس وقت پانچ کے قریب فلموں میں کام کررہی ہوں نئے سال میں اپنی فلموں کا تحفہ دوں گی۔آمنہ ملک

کھڈیاں خاص( عکس آن لائن) معروف ماڈل و اداکارہ آمنہ ملک فلموں کی شوٹنگزمیں مصروف،ایک ملاقات کے دوران آمنہ ملک نے بتایاکہ اس وقت وہ پانچ کے قریب فلموں میں کام کررہی ہیں جن میں ”ویر لہو منگدا”،”ببرا گجر”،”عشق بدمعاش”،”چن تے چراغ”اور ”کھوکھر بادشاہ”شامل ہیں ۔ایک سوال کے جواب میں آمنہ ملک نے کہاکہ دوفلموں میں ان کے مدمقابل حیدرسلطان ہیروکا کردار اداکررہے ہیں۔آمنہ ملک کا کہنا تھا کہ اس وقت پاکستان فلم انڈسٹری میں اچھی فلموں پر کام ہو رہاہے جس سے یقین ہو چلاہے کہ پنجابی فلم انڈسٹری ایک بار پھر اپنے پائوں پر کھڑی ہوجائیگی۔آمنہ ملک کا کہنا تھا کہ ان کی پانچوں پنجابی فلمیں ایک معیاری کہانی ،میوزک اور جاندار عکسبندی پر مشتمل ہیں انہیں امیدہے کہ فلم شائقین ان فلموں کو سینما گھروں میں دیکھنے آئیں گے اور ان کو سراہیں گے۔آمنہ ملک نے مذید کہاکہ حکومت کو پاکستان فلم انڈسٹری کی دوبارہ بحالی کے لیئے اقدامات کرنے چاہیئں کیونکہ اس انڈسٹری سے بہت سارے لوگوں کا روزگار وابستہ ہے اس وقت بہت سارے لوگ فلم انڈسٹری کی بحالی کی آس لگائے بیٹھے ہوئے ہیں اور فلم انڈسٹری میں اچھا کام کرنے کے لیئے کوشا ں ہیں اس لیئے ان کی حوصلہ افزائی کے لیئے موثر اقدامات کی ضرورت ہے۔