لاہور( عکس آن لائن)نامور اداکار معمر رانانے کہا ہے کہ آنے والے چندماہ میں میری پانچ فلمیں شروع ہونے والی ہیں ،دو فلمیں لاہور اور دو کراچی کے فلمسازوں کی ہیں جبکہ ایک فلم میں خود پروڈیوس کر رہا ہوں۔
ایک انٹرویو میں معمررانانے کہا کہ پنجابی فلموں میں کام کرتے ہوئے پنجابی زبان پر عبور حاصل ہوگیا ہے ۔
فلموں کے ڈائیلاگ کو پڑھنے کے بعد پتہ چلتا ہے کہ اصل پنجابی تو یہ ہے ۔انہوں نے کہا کہ پاکستان فلم انڈسٹری دوبارہ بحالی کی جانب گامزن ہے جو خوش آئندہے ۔ موجودہ حالات میں پانچ فلموں کے پراجیکٹ شروع ہونا خوش قسمتی ہے اور دعا ہے کہ اس سے انڈسٹری کو بھی عروج حاصل ہو ۔
