اسلام آ باد (نمائندہ عکس ) مشیر امور کشمیر و گلگت بلتستان قمر زمان کائرہ نے پاکستان کی 75ویں سالگرہ پر پوری قوم کو دل کی گہرائیوں سے مبارکباد پیش کر تے ہوئے کہا ہے کہ ان 75 سالوں میں ہم نے زندگی کے مختلف مراحل اور اتار چڑھاو دیکھے ہیں،یہ دن ایک عہد کی تجدید کا بھی دن ہے،اس دن ہم اپنی نوجوان نسل کو ماضی کے سفر، اچھائیوں، کوتاہیوں اور اسباق سے آگاہ کرتے ہیں۔
اپنے پیغام میں انہوں نے کہا ہم نے ماضی کی کوتاہیوں سے سبق سیکھتے ہوئے قائداظم کے خواب کے مطابق پاکستان کی تکمیل کرنی ہے،ریاست ماں جیسا رول ادا کرے جہاں ہر نسل اورمزہب کا شہری اپنے آپ کو محفوظ محسوس کرے،ایک دوسرے کو شکست دینے کی بجائے سب کو اپنی غلطیوں سے سبق سیکھ کر اصلاح کرنی ہے ،پاکستان کو ترقی پسند، روشن خیال ریاست بنانا ہے۔
