لاہور (عکس آن لائن) گورنر پنجاب چوہدری سرور نے کہا ہے کہ کروناٹیلی میڈیسن سے مریضوں کا آن لائن چیک اپ کیا جا رہا ہے، کرونا سے متاثرہ افراد کو راشن اور دیگر مفت سہولت فراہم کریں گے۔تفصیلات کے مطابق گورنر پنجاب چوہدری سرور سے وزیراعلی پنجاب عثمان بزدار کی ملاقات ہوئی ،
جس میں وزیر قانون ،چیف سیکرٹری پرنسپل سیکرٹری ٹو گورنر پنجاب بھی شریک تھے۔گورنر ہاوس میں ملاقات میں کرونا کیخلاف اقدامات پرمشاورت کی گئی اور چیف سیکریٹری نے مارکیٹس کی بندش سمیت دیگر اقدامات پر بریفنگ دی۔گورنر پنجاب چوہدری سرور نے کورونا ٹیلی میڈیسن اور موبائل ایپ کے حوالے سے بتاتے ہوئے کہا کروناٹیلی میڈیسن سےمریضوں کا آن لائن چیک اپ کیا جا رہا ہے،
کروناسے متاثرہ افراد کوراشن،دیگر مفت سہولت فراہم کریں گے۔وزیر اعلی عثمان بزدار نے کہا کہ کرونا سے بچا کیلئے عوام کو بھرپور آ گاہی دی جا رہی ہے، روزانہ کی بنیاد پر معاملات کی خود نگرانی بھی کر رہا ہوں۔گورنر پنجاب چوہدری سرور اور وزیراعلی پنجاب عثمان بزدار نے عزم کا اظہار کیا کہ انشااللہ کرونا کیخلاف جنگ میں بھی کامیاب ہوں گے۔
