گوجرانوالہ/ رحیم یارخان (عکس آن لائن) گوجرانوالہ کے قریب کامونکی میں منی ٹرک بس سے ٹکرا گیا، حادثے میں 2 افراد جاں بحق ہوگئے۔ تفصیلات کے مطابق کامونکی میں ٹرک جی ٹی روڈ پر خراب ہونے کے باعث کھڑی بس سے ٹکراگیا، حادثے میں ٹرک میں سوار 2 افراد جاں بحق ہوگئے۔
حادثے کے بعد بس میں آگ لگ گئی جس پر ریسکیو نے قابو پالیا۔ پولیس نے حادثے کی تحقیقات شروع کر دی ہیں۔ادھر رحیم یارخان کے قریب ظاہر پیر میں بس الٹ گئی، حادثے میں 26 طلبہ زخمی ہوگئے، ریسکیو نے زخمیوں کو ہسپتال منتقل کر دیا، حادثے کا شکار ہونے والی بس میں طلبہ سیر کے لئے لاہور جا رہے تھے۔
