لاہور(عکس آن لائن)نامور اداکارہ صوبیہ خان نے کہا ہے کہ کورونا وائرس نے ہمارے لائف سٹائل کو ہی بدل کر رکھ دیا ہے ،کسی نے کبھی خواب میں بھی نہیں سوچا تھا کہ ہم رضا کارانہ طور پر خود کو گھروں تک محدود کر لیں گے ۔
ایک انٹر ویو میں صوبیہ خان نے کہا کہ ہمیں بطور مسلمان اپنے اعمال کا بغور جائزہ لینا چاہیے اور اپنی اصلاح کرنی چاہیے ۔ خدا کی ذات سے مضبوط تعلق ہی ہمیں مشکلات سے نجات دلا سکتا ہے اس لئے ہمیں گڑا گڑا کر اپنے گناہوں کی معافی مانگنی چاہیے ۔ صوبیہ خان نے کہا کہ آج پوری قوم پر کڑا وقت ہے اور آزمائش کی اس گھڑی میں ہمیں ایک دوسرے کو نظر انداز کرنے کی بجائے سہارا بننا چاہیے اور یہی انسانیت کی اصل معراج ہے ۔
