اسلام آ باد (نمائندہ عکس) پاکستان تحریک انصاف کے رہنما شہباز گل نے کہا ہے کہ کراچی کے حق کا سینکڑوں ارب روپیہ اومنی، جعلی اکاونٹس ، سرے محل، ایان علی ، اور سب سے بڑھ کر کروڑوں اربوں روپے فی لوٹا خریدنے کے لئے استعمال ہو رہا ہے۔
سماجی رابطے کی ویب سائٹ ٹوئٹر پر اپنے جاری کردہ ٹوئٹ میں پی ٹی آئی رہنما شہباز گل نے کراچی میں ہوئی حالیہ بارشوں کی ایک ویڈیو شیئر کرتے ہوئے لکھا کہ کراچی والوں کو یاد رکھنا چاہیے کہ جو پیسہ کراچی کے مسائل کے حل کے لئے وفاق سے سندھ حکومت کو ملتا ہے وہ سینکڑوں ارب روپیہ اومنی، جعلی اکاونٹس ، سرے محل، ایان علی ، اور سب سے بڑھ کر کروڑوں اربوں روپے فی لوٹا خریدنے کے لئے استعمال ہو رہا ہے۔ شہباز گل کا مزید کہنا تھا کہ لہذا برداشت کریں۔
