اسلام آباد (عکس آن لائن) معروف کامیڈین افتخار ٹھاکر کا کہنا ہے کہ کامیڈین کے لیے پڑھا لکھا ہونا بہت ضروری ہے۔مقامی ذرائع ابلاغ سے بات کرتے ہوئے افتخار ٹھاکر نے بتایا کہ ہمارے ہاں فلم اکیڈمی کا رواج نہیں لیکن حقیقت یہ ہے کہ پوری دنیا میں جتنے بھی ایکٹر آتے ہیں چاہے وہ کامیڈین ہو ایکشن یا ہیرو کا رول ادا کرنا چاہتے ہوں وہ پڑھ کر ہی آتے ہیں۔
افتخار ٹھاکر نے مزید بتایا کہ انہوں نے اسلام آباد سے گریجویشن کرنے کے بعد نیویارک فلم اکیڈمی امریکہ سے 3سال 2ماہ اداکاری کی تربیت حاصل کی ۔واضع رہے کہ افتخار ٹھاکر نے اپنے فنی کیرئیر کا آغاز اسلام آباد میں زیڈ اے ذلفی صاحب کے سٹیج ڈرامے سے کیا اور تاحال مداحوں کے دلوں پر راج کر رہے ہیں۔
