ڈالر کی قیمت میں مسلسل اضافہ

لاہور: (عکس آن لائن) ملک بھر میں رواں ہفتے کے پہلے کاروباری روز کے دوران ایک مرتبہ پھر روپے کے مقابلے میں امریکی ڈالر کی قیمت میں 51 پیسے کا اضافہ دیکھا گیا۔
ملک بھر میں گزشتہ ایک ماہ کے دوران سے امریکی ڈالر کی قیمت میں مسلسل اضافہ دیکھنے کو مل رہا ہے، جس کے بعد روپیہ تنزلی کی طرف گامزن ہے۔
امکان ہے کہ روپے کے مقابلے میں امریکی ڈالر کی قدر میں آئندہ چند روز کے دوران مزید اضافہ دیکھنے کو ملا اور امریکی ڈالر 170 روپے سے بھی تجاوز کر سکتا ہے۔
رواں ہفتے کے پہلے کاروباری روز کے دوران انٹر بینک میں روپے کے مقابلے میں امریکی کرنسی کی قیمت میں 51 پیسے کا اضافہ ہوا جس کے بعد ڈالر کی نئی قیمت 168 روپے 38 پیسے کی سطح پر پہنچ کر بند ہو گئی ہے۔