بیجنگ (عکس آن لائن) چینی صدر شی جن پھنگ نے زوران میلانووچ کو جمہوریہ کروشیا کا دوبارہ صدر منتخب ہونے پر مبارکباد دی۔
جمعہ کے روز شی جن پھنگ نے کہا کہ چین اور کروشیا کے درمیان گہری روایتی دوستی ہے اور دونوں ممالک اچھے دوست اور شراکت دار ہیں جو ایک دوسرے کا احترام اور اعتماد کرتے ہیں۔
حالیہ برسوں میں، دونوں فریقوں نے مشترکہ طور پر اعلیٰ معیار کے حامل “دی بیلٹ اینڈ روڈ” کی تعمیر کی ہے، کھلے پن، باہمی فائدے اور جیت جیت نتائج کے جذبے کے تحت مختلف شعبوں میں تعاون کو فروغ دیا ہے، اور دوطرفہ تعلقات کو مسلسل توانائی فراہم کی ہے۔
شی جن پھنگ نے مزید کہا کہ وہ چین-کروشیا تعلقات کی ترقی کو بہت اہمیت دیتے ہیں اور کروشیا کے صدر کے ساتھ مل کر کام کرنے کے خواہاں ہیں تاکہ دونوں ممالک جدیدیت کی اپنی اپنی راہوں پر ہاتھ ملا کر آگے بڑھیں اور چین۔کروشیا جامع تعاون پر مبنی شراکت داری میں ایک نیا باب رقم کریں.
