لاہور(عکس آن لائن)گور نر پنجاب چوہدری محمدسرور نے افغان امن معاہدہ مےں تارےخی کردار پر وزیر اعظم عمران خان کو امن کا نوبل انعام دینے کا مطالبہ کرتے ہوئے کہا ہے کہ عمران خان خطے میں واحد سیاسی لیڈر ہیں جو مسلسل جنگ کی مخالفت کر تے رہے ہیں وہ ہر لحاظ سے امن کے نوبل انعام کے حقد ارہیں‘
بھارت کے جنگی جنون کے خلاف بھی وزیر اعظم عمران خان نے بھارتی پائلٹ کو رہا کر کے امن کا پیغام دیا ‘پاکستانی مخلص کوششوں کی وجہ سے ہی افغانستان میں19سالہ جنگ کا خاتمہ ہورہا ہے۔ اتوار کے روز گور نر ہاﺅس لاہور سے جاری اپنے بیان میں گور نر پنجاب چوہدری محمدسرور نے کہا کہ جس دن امر یکہ اور انکے اتحادیوں نے افغانستان میں جنگ شروع کی عمران خان اس دن سے مسئلہ مذاکرات کے ذریعے حل کر نے کا مطالبہ کر تے رہے ہیں آج امر یکہ اورطالبان سمیت سب نے عمران خان کے موقف کی تائید کردی ہے الحمد اللہ آج افغانستان میں جنگ کا خاتمہ اور امن کا آغاز ہو رہا ہے افغان امن کیلئے عمران خان کی قیادت میں پاکستان کا تاریخی اور فیصلہ کن کردار ہے اور طالبا ن امریکہ امن معاہدہ وزیر اعظم عمران خان کے اصولی موقف کی جیت بھی ہے‘
امن کے قیام کیلئے دنیا افواج پاکستان کی قربانیوں کی بھی تعریف کر رہی ہے دہشت گردی کے خلا ف بھر پور جنگ لڑ نیوالی افواج پاکستان پر 22کروڑ پاکستانےوں کو فخر ہے پاکستان پورے خطے میں امن کا حامی ہے کیونکہ اس سے ہی ترقی اور خوشحالی آئیگی پاکستان آج بھی امن کی بات کر رہا ہے بھارت کو بھی چاہیے وہ بندوق اور گولی سے مسئلہ کشمےر کو حل کر نے کی بجائے اقوام متحدہ کی قراردادوں کے مطابق مسئلہ کشمیر کوحل کر ے اور بھارتی مسلمانوں پرمظالم کا سلسلہ بھی بند کےا جائے ورنہ بھارتی روےہ کی وجہ سے خطے مےں امن کا شدےد خطرات لاحق رہےں گے ۔
